نواز شریف کی سعودی فرمانرواشاہ عبداللہ سے ملاقات

سعودی عرب کے فرمانروا اور والی حرمین الشریفین شاہ عبداللہ بن عبدالعزیز سعودی عرب کے دورے پر آئے ہوئے پاکستان کے وزیراعظم محمد نواز شریف سے ملاقات کی ہے۔
ذرائع اس ملاقات کو بڑی اہمیت دے رہے ہیں ۔ خاص طور یہ ملاقات ایک ایسے وقت میں ہوری ہے جب پاکستان میں سیاسی حالات میں ہل چل پیدا ہوچکی ہے۔ اس ملاقات میں پاکستان کی اندرونی سیاسی صورت حال پر بھی غور کیا گیا۔ علاو ازیں دونں رہنماوں نے غزہ کی تازہ ترین صورت حال پر بھی بات چیت۔
اس ملاقات کیلئے وزیراعظم نواز شریف کو شاہی طیارے کے ذریعے مدینہ سے جدہ بلوایا گیا۔ اُنکے ہمراہ وزیر خزانہ اسحاق ڈار اور وزیراعظم کے صاحبزادے حسین نواز بھی تھے۔ شاہ عبداللہ بن عبدالعزیز کے ساتھ ملاقات میں ولی عہد‘ نائب ولی عہد اور سعودی وزراء بھی موجود تھے۔ اس ملاقات میں فلسطین کی تیزی سے بگڑتی صورتحال‘ پاک سعودی برادرانہ تعلقات کے فروغ اور باہمی دلچسپی کے دوسرے اُمور پر تبادلہ خیال ہوا اور اہم فیصلے کئے گئے۔
شاہ عبدللہ نے پاکستان کی خوشحالی اور سلامتی کے لئے دعا کی۔ سعودی فرمانروا شاہ عبدللہ نے کہا کہ نواز شریف ہمارے بھائی ہیں اور ہم ان کی عزت کرتے ہیں۔ انہوں نے کہا کہ قیام پاکستان سے اب تک ہمارے پاکستان سے دیرینہ تعلقات ہیں ہم پاکستان کی ہر حالت میں حمایت کرتے ہیں اور کرتے رہیں گے۔