حارث سلیمان کا طیارہ حادثے کا شکار ہو گیا
نوجوان پائلٹ حارث سلیمان اور ان کے والد بابر سلیمان کا طیارہ بحر الکاہل میں گر گیا
پاکستانی امریکن 17 سالہ پائلٹ حارث سلیمان اور ان کے والد بابر سلیمان کا طیارہ بحر الکاہل میں گر کر تباہ ہو گیا ہے۔
خاندان کے ایک فرد نے امدادی ٹیموں کے حارث سلیمان کی لاش کو سمندر سے نکالنے کی تصدیق کی ہے جبکہ ان کے والد بابر سلیمان کے بارے میں ابھی تک کچھ معلوم نہیں ہے۔
واضح رہے کہ حارث سلیمان اور ان کے والد بابر سلیمان 30 دن میں دنیا کا چکر لگانے کا ہدف رکھتے تھے اور اس سے ان کا مقصد پاکستان میں غریب بچوں کی تعلیم کے لئے فنڈ اکٹھا کرنا تھا۔
اس کام میں انہیں سٹیزن فاونڈیشن کا تعاون حاصل تھا۔
باپ بیٹے نے اپنا سفر 19 جون کو امریکہ کی ریاست انڈیانا کے علاقے پلین فیلڈ سے شروع کیا اور کینیڈا، آئس لینڈ، انگلینڈ، یونان، مصر اور دوبئی سے ہوتے ہوئے پاکستان پہنچے۔
پاکستان کے بعد ان کے مشن کے اگلے مرحلے میں بنگلہ دیش، انڈونیشیا، آسٹریلیا، فیجی، امریکن ساماو، کیری باتی، ہوائی اور کیلیفورنیا شامل تھے جسے وہ 20 جولائی تک مکمل کرنے کا پروگرام رکھتے تھے۔
متعللقہ خبریں
ترک وزیر خارجہ کی پاکستانی ہم منصب سے ملاقات
دو طرفہ تعلقات اور ساتویں پاک ترک اعلیٰ سطحی سٹریٹجک کوآپریشن کونسل کی تیاریوں پر تبادلہ خیال