حکومت کیطرف سےنقل مکانی کرنے والے افراد کی امداد جاری

وفاقی وزیر پٹرولیم شاہد خاقان عباسی نے کہا ہے کہ حکومت داخلی طور پر نقل مکانی کرنے والے افراد کو تمام ضروری سہولتیں دینے کے لئے اہم اقدامات کر رہی ہے۔ نجی ٹی وی چینل سے گفتگو کرتے ہوئے انہوں نے کہا کہ آئی ڈی پیز کو خیمے‘ خوراک اور نقد پیسے دیئے جارہے ہیں تاکہ وہ کسی مشکل کا سامنا کئے بغیر سہولتیں حاصل کرسکیں۔ انہوں نے کہا کہ موجودہ حکومت اور سیاسی جماعتیں طالبان کے ساتھ مذاکرات پر متفق تھیں۔ انہوں نے کہا کہ بہت ساری سیاسی جماعتوں کے ساتھ مشاورت کے بعد آپریشن کیا گیا تاکہ اس علاقے کو ایک مناسب طریقے سے پاک کیا جاسکے۔ ایک سوال کے جواب میں وفاقی وزیر نے کہا کہ یہ بات غلط ہے کہ بعض سیاسی جماعتیں ایک ایسے گروپ کے ساتھ ہمدردی رکھتی ہیں جو ملک کے لئے مسائل پیدا کرتے ہیں۔ وفاقی وزیر نے کہا کہ شمالی وزیرستان ایجنسی میں آپریشن مسلسل جاری ہے اور اس کے مثبت اثرات حاصل کئے جائیں گے۔