بچوں کی صحت کا تحفظ اولین ترجیح ہے سائرہ تارڑ

وزیر مملکت برائے نیشنل ہیلتھ سروسز ریگولیشنز اینڈ کوآرڈینیشن سائرہ افضل تارڑ نے بچوں کے حفاظتی ٹیکے کا پروگرام ای پی آئی پروگرام کی کارکردگی کا جائزہ لینے کیلئے ایک بریفنگ کی صدارت کی۔ اس موقع پر سائرہ افضل تارڑ نے کہاکہ بچوں کی صحت کا تحفظ ان کیلئے اولین ترجیح ہے اور اس سلسلہ میں تمام تر وسائل بروئے کار لائے جائیں گے ۔بچوں کو بیماریوں سے بچانے کیلئے بہترین معیار کی ویکسین فراہم کی جائے گی ۔