طاہر القادری کی قیادت میں لاہور میں آل پارٹیز کانفرنس
اس کانفرنس میں ملک کی تمام بڑی جماعتوں جس میں مسلم لیگ نون ، پیپلز پارٹی، اے این پی اور جمعیت علمائے اسلام شامل ہے اس کانفرنس میں شرکت نہ کرنے کا فیصلہ کیا ہے۔عمران خان کی تحریک انصاف اور چوہدری شجاعت کی مسلم لیگ قاف حصہ لے رہی ہیں
آج لاہور میں مولانا طاہر القادری کی دعوت پر چند ایک پارٹیوں کی کانفرنس منعقد ہو رہی ہے جسے مولانا طاہرا القادری نےآل پارٹیز کانفرنس کا نام دیا ہے تاہم اس کانفرنس میں ملک کی تمام بڑی جماعتوں جس میں مسلم لیگ نون ، پیپلز پارٹی، اے این پی اور جمعیت علمائے اسلام شامل ہے اس کانفرنس میں شرکت نہ کرنے کا فیصلہ کیا ہے۔
مولانا طاہر القادری کی دعوت پر عمران خان کی تحریک انصاف اور چوہدری شجاعت کی مسلم لیگ قاف حصہ لے رہی ہیں جبکہ متحدہ قومی موومنٹ نے بھی شرکت کے لئے آمادگی ظاہر کی ہے۔ یہ پہلا موقع ہے کہ تحریک انصاف اور متحدہ قومی موومنٹ ایک پلیٹ فارم پر جمع ہو رہی ہیں۔
اس کانفرنس میں ڈاکٹرطاہرالقادری کی رہائش گاہ کے باہر سے تجاوزات ہٹانے کی غرض سے پولیس اور تحریک منہاج القرآن کے درمیان جھڑپوں میں 12 افراد ہلاک اور 80 سے زائد زخمی ہونے کے معاملے پر غور کیا جائے گا اور آئندہ کے لیے حکومت کے خلاف لائحہ عمل کیا بھی اعلان کیا جائے گا۔
