موساد کی جاسوسی کا الزام،ایک شخص کو پھانسی دے دی گئی

 ایرانی پاسداران انقلاب نے ایک ایرانی شہری کو پھانسی دینے کا اعلان کیا  ہےجسے اس نے موساد کا ایجنٹ قرار دیا تھا۔

تسنیم خبر ایجنسی  نے ایک مختصر رپورٹ میں اس شخص کا نام لیے بغیر اس کی پھانسی کا ذکر کیا اور صرف اتنا کہا کہ وہ موساد کے لیے کام کرنے والا دہشت گرد تھا۔

اس شخص  پر الزام تھا کہ وہ وسطی ایران کے شہر اصفہان میں ایرانی وزارت دفاع کے ورکشاپ کمپلیکس کو بم سے اڑانے کی منصوبہ بندی کر رہا تھا، اس نے یہ کارروائی موساد کے ایک افسر کے تعاون سے 28 جنوری 2023 کرنا تھی مگر اسے پکڑ لیا گیا اور دوران تفتیش اس نے اعتراف جرم کیا تھا۔