اسرائیلی درونز کی غزہ میں بمباری، مظاہرین کے خلاف کاروائی

اسرائیلی جنگی طیاروں نے غزہ کے البریج اور جبالیہ علاقوں میں حماس کے دو آبزرویشن پوائنٹس ناکہ بندی کی زد میں  تھے پر فضائی حملہ کیا  ہے ۔

غزہ کی مشرقی سرحد کی نگرانی کے لیے حماس کے عسکری ونگ، قسام بریگیڈز کے ذریعے ہدف بنائے گئے پوائنٹس کا استعمال کیا  جا رہا ہے۔

حماس نے اگرچہ اس معاملے پر کوئی بیان نہیں دیا، تاہم اس حملے کی تصدیق اسرائیلی فوج کی طرف سے فراہم کردہ معلومات میں کی گئی ہے۔

معلومات میں کہا گیا ہے کہ "اسرائیلی فوج کے ڈڑون  نے بوریج اور جبالیہ کے علاقوں میں حماس کے دو فوجی مقامات پر بمباری کی، جہاں پرتشدد فسادات ہوئے تھے۔ بیان  میں  کہا گیا ہے کہ اس علاقے سے فائرنگ کی گئی جہاں غزہ کی سرحد پر حفاظتی باڑ کے قریب فوجی دستوں پر افراتفری پھیلی تھی۔

دوسری جانب غزہ میں فلسطینیوں نے جنونی یہودیوں کی جانب سے مسجد الاقصیٰ پر چھاپے اور مقبوضہ مغربی کنارے میں کی جانے والی خلاف ورزیوں کے خلاف آٹھویں روز بھی مظاہرہ کیا۔

اسرائیلی فورسز نے مظاہرے میں اصلی اور ربڑ کی  کی  گولیوں اور آنسو گیس کا استعمال کیا۔

غزہ میں فلسطینی وزارت صحت کی جانب سے جاری کردہ بیان میں کہا گیا ہے کہ سرحدی علاقے میں احتجاج کرنے والے فلسطینیوں پر اسرائیلی فورسز کی فائرنگ کے نتیجے میں 3 افراد زخمی ہوگئے ہیں ۔

آنسو گیس سے درجنوں افراد متاثر بھی ہوئے ہیں ۔

دوسری جانب مقبوضہ غزہ کی پٹی کے سرحدی علاقے میں جنونی یہودیوں کی جانب سے مسجد الاقصیٰ پر دھاوے کے خلاف احتجاجی مظاہرہ کرنے والے فلسطینیوں پر اسرائیلی فورسز کی فائرنگ کے نتیجے میں زخمی ہونے والوں کی تعداد 6 ہوگئی ہے۔

غزہ کی وزارت صحت کی طرف سے جاری کردہ بیان میں زخمیوں کی حالت کے بارے میں کوئی اطلاع نہیں دی گئی۔

اسرائیلی فورسز نے مظاہرین کو اصلی اور پلاسٹک کی گولیوں سے نشانہ بنایا اور انہیں منتشر کرنے کے لیے آنسو گیس کا استعمال کیا۔

جس دن سے غزہ کے مشرق میں مظاہرے شروع ہوئے، اسرائیلی فوج نے مظاہرین کے خلاف مداخلت کے لیے بھاری ہتھیاروں سے لیس دستے اور سنائپرز سرحد پر تعینات کر دیے۔

غزہ میں مظاہروں کے تیسرے روز اسرائیلی فوجیوں کی فائرنگ کے نتیجے میں ایک فلسطینی جاں بحق ہوگیا ہے۔