سعودی فرماں روا اسپتال میں داخل کر دیئے گئے
سعودی عرب کی سرکاری نیوز ایجنسی SPA کے مطابق ۔شاہ سلمان کے ہسپتال میں طبی ٹیسٹ کیے گئے ہیں تاہم ان کی نوعیت کے بارے میں کچھ نہیں بتایا گیا
1823598
سعودی فرماں روا سلمان کو آج جدہ کے ایک ہسپتال میں داخل کیا گیا ہے۔
سعودی عرب کی سرکاری نیوز ایجنسی SPA کے مطابق ،شاہ سلمان کے ہسپتال میں طبی ٹیسٹ کیے گئے ہیں تاہم ان کی نوعیت کے بارے میں کچھ نہیں بتایا گیا۔
چند ہفتے قبل ہی شاہ سلمان کے پیس میکر کی بیٹری تبدیل کی گئی تھی۔
سعودی بادشاہ کے پاس تمام تر اختیارات ہوتے ہیں جبکہ شاہ نے اپنا ولی عہد اپنے 36 سالہ بیٹے محمد بن سلمان کو مقرر کر رکھا ہے جو عام طور پر روز مرہ کے معاملات چلاتے ہیں۔
