شام، تل رفعت میں PKK کے راکٹ حملوں سے 5 شہری زخمی

شام کے ضلع  تل رفعت ضلع میں اپنا وجود جاری رکھنے والی علیحدگی پسند دہشت گرد تنظیم YPG/PKK کی طرف سے حزب اختلاف کے زیر کنٹرول ضلع مارے پر کیے گئے راکٹ حملے میں 5 شہری زخمی ہو گئے۔

YPG/PKK کے دہشت گرد خطے میں اپنی موجودگی کو برقرار رکھتے ہوئے تل رفعت کے آس پاس کی بستیوں پر اپنے حملے جاری رکھے ہوئے ہیں، حالانکہ 22 اکتوبر 2019 کو ترکی اور روس کے درمیان طے پانے والے معاہدے کے مطابق انہیں تل رفعت ضلع کو خالی کرنا تھا۔

بتایا گیا ہے کہ دہشت گردوں نے ملک کے شمال میں ضلع مارے پر 6 راکٹ حملے کیے۔

جس  سے  5 شہری زخمی ہوئے، اور علاقے کو مالی نقصان پہنچا۔

حملے کے بعد، آپریشن فرات ڈھال کے علاقے میں تعینات ترک مسلح افواج نے تل رفعت میں تنظیم کے ٹھکانوں کو ہووٹزر سے نشانہ بنایا۔