اسرائیلی فوج کی گولی لگنے سے فلسطینی نوعمر ہلاک

 اسرائیلی قوتوں نے مقبوضہ مغربی کنارے کے شہر نابلوس میں غیر قانونی یہودی بستیوں کے خلاف مظاہرے میں شتیک ایک فلسطینی بچے کو سر پر گولی ماردی ۔

 مقامی ذرائع کا کہنا ہے کہ  فلسطینیوں نے جنوبی نابلوس میں غیر قانونی یہودی بستیوں کے خلاف مظاہرہ کررکھا تھا جس میں شامل سولہ سالہ احمد بنی شمسہ  اسرائیلی فوج کی  گولیوں کا نشانہ بن گیا۔

احمد شمسہ کو فوری طور پر اسپتال لے جایا گیا مگر وہ زندہ نہ بچ سکا۔

 یاد رہے کہ  یہودی آباد کاروں نے نابولس کے جنوب میں واقع بیتہ نامی قصبے کے اطراف میں غیر قانونی  بستی قائم کر رکھی تھی جس کے خلاف فلسطینی عوام مظاہرے کرتے رہتے ہیں۔