سعودی زیر قیادت کولیشن فورسز کا حوثی فوجی چوکی پر حملہ
سعودی عرب کی زیر قیادت کولیشن فورسز کا ڈرون طیاروں کے ڈپو کے طور پر حوثی ملیشیا کے زیر استعمال فوجی چوکی پر حملہ
سعودی عرب کی زیر قیادت کولیشن فورسز نے حوثیوں کے زیر کنٹرول دارالحکومت صنعاء میں ایک فوجی چوکی پر حملہ کیا ہے۔
سعودی خبر رساں ایجنسی SPA کے مطابق کولیشن فورسز کے ترجمان ترکی المالکی نے کہا ہے کہ ڈرون طیاروں کے ڈپو کے طور پر حوثی ملیشیا کے زیر استعمال فوجی چوکی پر حملہ کیا گیا ہے۔
مالکی نے کہا ہے کہ ان ڈرون طیاروں کو دہشت گردی کے حملوں میں استعمال کیا جا رہا ہے اور مذکورہ حملے، رواں سال کے آغاز سے حوثیوں کے لاجسٹک مراکز کو نشانہ بنانے کی خاطر شروع کئے گئے، آپریشنوں کے دوام کی حیثیت رکھتے ہیں۔
مالکی نے مزید کہا ہے کہ مذکورہ حملوں میں عام شہریوں کو نقصان سے بچانے کے لئے ضروری حفاظتی تدابیر اختیار کی گئی تھیں۔
تاہم حوثیوں کی طرف سے موضوع سے متعلق تاحال کوئی بیان جاری نہیں کیا گیا۔
واضح رہے کہ حوثی ستمبر 2014 سے لے کر اب تک دارالحکومت صنعاء اور بعض دیگر علاقوں کا کنٹرول سنبھالے ہوئے ہیں اور مارچ 2015 سے سعودی زیر قیادت کولیشن فورسز حوثیوں کے مقابل یمن کی حکومت کے ساتھ تعاون کر رہی ہیں۔