یمن میں جنگ بندی معاہدے کی خلاف ورزی،حوثیوں کا رویہ مایوس کن
عرب اتحاد کی طرف سے جاری کردہ ایک بیان میںکہا گیا ہے کہ حوثیوں نے 24 گھنٹوں کےدوران یمن میں جنگ بندی معاہدے کی 8 بار خلاف ورزی کی
1116500
یمن میں آئینی حکومت کی بحالی کے لیے کام کرنے والے عرب فوجی اتحاد نے ایک بار پھر یمن کے ایران نواز حوثی باغیوں پر جنگ بندی معاہدے کی خلاف ورزیوں کا الزام عائد کیا ہے۔
خبر کے مطابق ،عرب اتحاد کی طرف سے جاری کردہ ایک بیان میںکہا گیا ہے کہ حوثیوں نے 24 گھنٹوں کےدوران یمن میں جنگ بندی معاہدے کی 8 بار خلاف ورزی کی۔
بیان میں کہا گیا ہےکہ حوثی ملیشیا نے کئی گزرگاہوں سے انسانی امدادی قافلوں کو گزرنے سے روکا اور راستے کھولنے اور رکاوٹیں ہٹانے کےدوران یمنی فوج کی گاڑیوں پرفائرنگ کی گئی۔
سفارتی ذرائع کا کہنا ہے کہ یمن میں جنگ بندی کی نگرانی کے لیے قائم کردہ اقوام متحدہ کی مبصر ٹیم کےسربراہ پیٹرک کامیرٹ نے یمنی حکومت کوبتایا ہے کہ وہ اسٹاک ہوم میں طے پانے والے جنگ بندی معاہدےپرعمل درآمد کے حوالےسے حوثی باغیوں کےرویے سے سخت مایوس ہیں۔
