اسرائیل کے شام میں ایرانی اہداف پرحملے
لبنانی حزب اللہ کے بعض اہم کارکنا ن کے بھی شام کو پہنچنے اور ان کے بھی اسرائیلی حملے کا نشانہ بننے کی اطلاعات ملی ہیں
اسرائیل نے اطلاع دی ہے کہ اس نے کل رات شام پر حملوں میں حزب اللہ کی پیش پیش شخصیات اور ایران کے ایک اسلحہ گودام کو ہدف بنایا ہے۔
اسرائیلی پریس میں شائع ہونے والی خبروں کے مطابق اسرائیلی لڑاکا طیاروں نے شامی دارالحکومت دمشق کے جوار میں ایک ایرانی اسلحہ کے گودام کو تباہ کر دیا ہے جہاں پر فجر۔5 میزائل بھی موجود تھے۔
خبروں میں اس جانب توجہ مبذول کرائی گئی ہے کہ ایرانی اسلحہ کے گوداموں سے شمالی اسرائیل کے علاقے جلیل نو نشانہ بنانے کا احتمال موجود ہے۔
لبنانی حزب اللہ کے بعض اہم کارکنا ن کے بھی شام کو پہنچنے اور ان کے بھی اسرائیلی حملے کا نشانہ بننے کی اطلاعات ملی ہیں۔
دوسری جانب اسرائیل سرکاری اداروں نے ان خبروں کی تصدیق نہیں کی اور نہ ہی اس حوالے سے کوئی اعلان جاری کیا ہے۔
خیال رہے کہ کل رات اسرائیلی فوج نے ایک تحریری اعلان میں کہا تھا کہ "شام کی جانب سے داغا گیا طیارہ شکن میزائل اسرائیلی دفاعی نظام نے تباہ کر دیا ہے۔
واضح رہے کہ اسرائیل، خانہ جنگی کے آغاز یعنی 2011 سے ابتک شام اور گولان کی پہاڑیوں سے اس کی سرزمین پر راکٹ پھینکے جانے کا دعوی کرتے ہوئے ایرانی تعاون کی حامل حزب اللہ قوتوں اور ملکی انتظامیہ کے فوجی مقامات پر حملے کرتا رہتا ہے۔