ایران: اگر بھارت پیٹرول کی خرید بند کرے گا تو اسے خصوصی مراعات سے بھی محروم ہونا پڑے گا

ایران نے کہا ہے کہ بھارتی حکومت کے ایران سے پیٹرول کی درآمد بند کرنے کی صورت میں اس ملک کے لئے جاری خصوصی مراعات کو بھی بند کر دیا جائے گا۔

ایران کے ذرائع ابلاغ میں نکلنے والی خبروں کے مطابق نئی دہلی کے لئے ایران کے چارج ڈی افئیر مسعود رضوانیان نے کہا ہے کہ اگر بھارت امریکی دباو میں آکر  ایران سے پیٹرول کی درآمد کو بند کر ے گا اور ایرانی پیٹرول کی بجائے سعودی عرب، روس، عراق اور امریکہ جیسے ممالک سے پیٹرول خریدے گا   تو اسے  تہران سے حاصل کردہ خصوصی مراعات سے بھی محروم ہونا پڑے گا۔

امریکہ کے ایران سے پیٹرول کی خرید بند کرنے کے لئے اپنے اتحادیوں پر ڈالے گئے دباو کا ذکر کرتے ہوئے رضوانیان نے کہا ہے کہ بھارت ایک قابل بھروسہ توانائی ساجھے دار ہے۔

انہوں نے بھارت کے چابہار بندرگاہ کی توسیع کے منصوبے کےلئے   کئے گئے وعدوں کو بھی پورا نہ کرنے پر تنقید کی اور اسٹریٹجک حوالے سے منصوبے کی اہمیت کی طرف توجہ مبذول کروائی۔

رضوانیان نے کہا کہ منصوبے کی تکمیل کے لئے ہم بھارت کی طرف سے ضروری اقدامات کرنے کے منتظر ہیں۔

ایرانی سفارت  کار مسعود رضوانیان نے  کہا ہے کہ باہمی تعلقات کو فروغ دینے کے لئے دونوں ملکوں کا ہر شعبے میں موجودہ صلاحیت سے استفادہ کرنا ضروری ہے۔