داعش سے چھڑانے کےلیے عراقی فوج القائم شہر میں داخل

عراقی فوج  نے دہشت گرد گروپ داعش کے قبضے میں موجود ملک کے آخری اہم شہروں القائم اور الروا کا قبضہ چھڑانے کے لیے فوجی آپریشن کا آغاز کر دیا ہے۔

 عراقی وزیر اعظم حیدر العبادی کے مطابق، داعش کے جنگجوؤں کے پاس ہتھیار ڈالنےیا پھر مرنے کے علاوہ اور کوئی راستہ نہیں ہے ۔

اپنے ایک بیان میں العبادی نے مزید کہا کہ بہادر عراقی افواج عراق میں موجود دہشت گردی کے آخری ٹھکانے کے خاتمے کے لیے آگے بڑھ رہی ہیں۔

عراقی میڈیا کے مطابق، شامی سرحد کے قریب واقع شہر القائم اور الروا کو داعش کے قبضے سے چھڑانے کے لیے عراقی فوج  کو امریکی سربراہی میں قائم اتحاد کی فضائی مدد بھی حاصل ہے۔