کیمیائی حملے کے بعد شامی عوام محفوظ مقامات کی تلاش میں دربدر
علاقے میں گیس پھیلنے کے بعد ہزاروں افراد زہریلی ہوا سے متاثر ہونے کے خطرے کی وجہ سے اپنے گھروں کو ترک کر رہے ہیں
شام کے شہر ادلیب کے علاقے خان شیہون میں بشار الاسد انتظامیہ کی طرف سے کیمیائی حملے کے بعد عوام نے علاقے کو ترک کرنا شروع کر دیا ہے۔
اسد انتظامیہ کی طرف سے کل ادلیب کے مرکز میں کئے گئے کیمیائی حملے میں 100 سے زائد شہریوں کے ہلاک اور 500 سے زائد افراد کےگیس سے متاثر ہونے کے بعد مقامی عوام محفوظ مقامات کی تلاش میں ہے۔
علاقے میں گیس پھیلنے کے بعد ہزاروں افراد زہریلی ہوا سے متاثر ہونے کے خطرے کی وجہ سے اپنے گھروں کو ترک کر رہے ہیں۔
علاقے کے عوام پہلے مرحلے میں خان شیہون کے جوار کے قصبوں میں اپنے عزیزوں کے گھروں میں منتقل ہو رہے ہیں۔
دوسری طرف کثیر تعداد میں کنبے مخالفین کے زیر کنٹرول ادلیب کے زیادہ محفوظ مقامات کی طرف نقل مکانی کر رہے ہیں۔
بیسیوں کنبوں نے خان شیہون سے تقریباً 70 کلو میٹر کے فاصلے پر شام اور ترکی کی سرحد پر واقع کیمپ میں پناہ لے لی ہے۔
متعللقہ خبریں
رفح کے علاقے سے نقل مکانی کرنے والے فلسطینیوں کی تعداد ایک لاکھ سے تجاوز
اسرائیلی فوج کی جانب سے خطے میں حملوں میں شدت لانے کی وجہ سے جبری نقل مکانی کا سلسلہ جاری ہے