اسرائیلی فوجیوں نے ایک  فلسطینی کو گولی مار کر ہلاک کر دیا

اسرائیلی فوجیوں نے دریائے اردن کے مغربی علاقے کے شہر تل کرم کے قریب ایک فوجی چیک پوسٹ پر چاقو سے وار کرنے کی کوشش کرنے کے الزام میں ایک  فلسطینی کو گولی مار کر ہلاک کر دیا ہے ۔

اسرائیلی فوج کی طرف سے جاری اعلان میں بتایا گیا ہے کہ فوجی چیک پوسٹ پر چاقو سے وار کرنے کی کوشش کرنے والے فلسطینی کو گولی مار کر ہلاک کر دیا  گیاہے ۔

فلسطین کی وزارت صحت   نے اعلان کیا ہے کہ اسرائیلی فوجیوں نے 44 سالہ ندال داؤد مہداوی  کو گولی مار کر شہید کر دیا ہے ۔ انسانی حقوق کی تنظیمیں حملہ آور ہونے کے دعوؤں کیساتھ فلسطینوں کو ہلاک کرنے کی وجہ سے ان پر کڑی نکتہ چینی کر رہی ہیں ۔