عراق، داعش کے حملوں میں 12 پولیس اہلکار جان بحق

دہشت گرد تنظیم   داعش کے  عراقی شہر صلاحدین   پر    دو حملوں میں  12 پولیس  اہلکار ہلاک  ، جبکہ 23 زخمی ہو گئے ہیں۔

عراقی   کرنل   الا جبوری  نے   اناطولیہ ایجنسی  کو بتایا  ہے کہ داعش کے  شدت پسندوں نے     بے جی  تحصیل کی ایک   چیک پوسٹ پر    حملہ  کیا  جس دوران  تصادم   ہوا اور   چار پولیس اہلکار  ہلاک  ہو گئے۔    اس دوران ایک دہشت گرد بھی مارا گیا ہے۔

جبوری  کا کہنا تھا کہ تکرت      کے مرکزی  علاقے میں  واقع   الا اقوس    چوکی  پر      کار بم      دھماکے میں  8 پولیس اہلکار    ہلاک اور 23 زخمی ہو گئے۔

صلاحدین     کی  اہم تحصیلوں  سے داعش  کو پاک کرنے   کی کاروائیاں جاری ہیں۔