سعودی عرب میں امریکی قونصل خانے کے باہر خود کش دھماکہ

سعودی عرب کے شہر جدہ میں کار پر  سوار خود کش حملہ آور  نے امریکی قونصل خانے کے باہر خود کو دھماکا خیز مواد سے اڑا دیا۔ جس دوران  دو سیکورٹی اہلکار زخمی ہو گئے۔

 سعودی وزارت داخلہ کا کہنا ہے کہ سیکیورٹی حکام نے قونصل خانے کے  مخالف جانب  واقع    اسپتال کے  پارکنگ لاٹ  میں مشکوک حرکات پر ایک کار کی تلاشی لینا چاہی تو اس میں سوار خود کش حملہ آور  نے بم  چلا دیا۔۔ دوسری جانب امریکی قونصل خانے نے بھی اس بات کی تصدیق کی ہے کہ خود کش دھماکے میں کوئی جانی نقصان نہیں ہوا۔

اس حملے کی ذمہ داری تا حال کسی  نے  مول نہیں لی۔