برطانوی جنگی طیاروں کی پہلی مرتبہ داعش کے ٹھکانوں پر بمباری

شام میں داعش کے خلاف کارروائی کے لئے برطانوی پارلیمنٹ میں قرارداد کی منظوری کے بعد برطانوی جنگی طیاروں نے پہلی مرتبہ داعش کے ٹھکانوں پر بمباری کی۔
داعش کے خلاف شام میں کاروائی کے لئے امریکا اور فرانس کے بعد برطانیہ بھی باقاعدہ طورپرکھل کرسامنے آگیا ہے اور پارلیمنٹ میں قرارداد کی منظوری کے بعد 4 برطانوی جنگی طیاروں نے داعش کے ٹھکانوں پر بمباری کی تاہم حملے میں ہلاکتوں یا نقصانات کی تفصیلات سے آگاہ نہیں کیا گیا۔
اس سے قبل برطانوی وزیراعظم ڈیوڈ کیمرون نے داعش کے خلاف کاروائی کے لئے قرارداد ایوان میں پیش کی جس کے حق میں 397 ارکین نے ووٹ دیا جب کہ 223 اراکین نے اس کی شدید مخالفت کی۔ داعش کے خلاف کاروائی کے حق میں بھاری اکثریت ملنے کے 57 منٹ بعد ہی برطانوی فضائیہ نے شام میں داعش کے ٹھکانوں پربمباری کی۔