عراق نے ریاض میں اپنا سفیر متعین کر دیا
عراق کے ریاض میں موجود سفارت خانے میں رشدی العانی کو سفیر متعین کیا گیا ہے اور امید کی جا رہی ہے کہ سعودی عرب بھی بغداد میں اپنا سفیر بھیجے گا۔ عراق
عراق نے پہلی دفعہ ریاض میں اپنا سفیر متعین کیا۔۔۔
عراق کے صدارتی دفتر سے جاری کردہ تحریری بیان میں کہا گیا ہے کہ سعودی عرب انتظامیہ کے ساتھ اپنے تعلقات کو فروغ دینے کے دائرہ کار میں عراق کے ریاض میں موجود سفارت خانے میں رشدی العانی کو سفیر متعین کیا گیا ہے اور امید کی جا رہی ہے کہ سعودی عرب بھی بغداد میں اپنا سفیر بھیجے گا۔
بیان میں کہا گیا ہے کہ عراق نے اپنے رُخ کو پوری دنیا اور علاقے میں امن کے قیام ، دو طرفہ تعاون کی بنیادوں کو مضبوط بنانے اور ملک کی حیثیت کو مضبوط بنانے کی شکل میں پوری دنیا کے ممالک کی طرف موڑ دیا ہے۔
واضح رہے کہ سعودی عرب نے 1990 میں عراقی فورسز کے کویت پر حملے کے بعد بغداد میں اپنے سفارت خانے کو بند کر لیا تھا۔
اس کے علاوہ نوری المالکی کی وزارت اعظمیٰ کے دور میں سعودی عرب کو دہشت گردی کی پشت پناہی کا موردِ الزام ٹھہرائے جانے پر سال 2003 کے بعد کے 8 سالہ دور میں دونوں ملکوں کے درمیان تعلقات خراب ہوگئے تھے۔
