داعش کیطرف سے ماہر آثار قدیمہ خالد السد کا سر قلم
داعش نے شام کے شہر پالمیرا میں ملک کے معروف ترین ماہر آثار قدیمہ 81 سالہ خالدالاسد کا سر قلم کر کے اس کی لاش تاریخی رومن برج سے لٹکا دی ہے۔
داعش نے شام کے شہر پالمیرا میں ملک کے معروف ترین ماہر آثار قدیمہ 81 سالہ خالدالاسد کا سر قلم کر کے اس کی لاش تاریخی رومن برج سے لٹکا دی ہے۔
خالد الاسد کو گزشتہ روز ایک چوک میں سینکڑوں لوگوں کی موجودگی میں قتل کیا گیا۔ پھر ان کی لاش پالمیرا لائی گئی اور ایک رومن پلر سے لٹکا دی گئی۔ واضح رہے داعش نے ایک ماہ قبل خالد الاسد کو اغوا کر لیا تھا۔ خالدالاسد چار دہائیوں تک پالمیرا کے آثار قدیمہ کے انچارج رہے جبکہ شام کے حکومتی ذرائع کے مطابق داعش نے خالدالاسد کو قتل کرنے سے قبل ان سے پالمیرا میں نوادرات کے حوالے سے معلومات لینے کی بھی کوشش کی۔ واضح رہے کہ داعش نے کچھ عرصہ قبل دو ہزار سال قدیم قصبے پالمیرا پر قبضہ کرلیا تھا اور اس پر آثار قدیمہ کی تنظیموں نے شدید خدشات کا اظہار کیا تھا کہ داعش عراق میں آثار قدیمہ کی تباہی کے بعد اب پالمیرا کے آثار قدیمہ کو بھی تباہ کردے گی۔