سعودی شاہ کی سربراہی اجلاس میں شرکت سے معذرت

سعودی عرب کے وزیر خارجہ عادل بن الجبیر نے کہا ہے کہ سعودی عرب کے شاہ سلمان بِن عبدالعزیز نے امریکہ کے صدر براک اوباما کی میزبانی میں آئندہ جمعرات کو ہونے والے خلیجی ممالک کے سربراہی اجلاس میں شرکت کرنے سے معذرت کر لی ہے۔ وزیرِ خارجہ عادل بن الجبیر نے کہا ہے کہ شاہ سلمان بن عبدالعزیز خلیجی ممالک کے اجلاس کی ٹائمنگ کی وجہ شرکت نہیں کر سکیں گے ۔اس اہم اجلاس میں ان کی جگہ ولی عہد شہزادہ محمد بن نائف شرکت کریں گے۔ ان کے ساتھ نائب ولی عہد اور وزیرِ داخلہ بھی موجود ہوں گے۔اجلاس میں شرکت نہ کرنے کے اعلان کے بعد ان کی صدر اباما کے ساتھ وائٹ ہاؤس میں طے شدہ ملاقات بھی منسوخ کر دی گئی ہے۔
اس سربراہی اجلاس کا آغاز بدھ کو خلیجی تعاون کونسل کے وفود کی صدر اوباما کیساتھ وائٹ ہاؤس میں سے ملاقات سے ہو گا ۔ بعد میں خلیجی ممالک کے رہنما کمیپ ڈیویڈ جائیں گے جہاں وہ صدر اباما سے بات چیت کریں گے۔
وائٹ ہاؤس کے ترجمان ایرک شلٹز نے کہا ہے کہ اس اجلاس میں خلیجی ممالک کے ساتھ سلامتی کے معاملات میں بڑھتےہوئے تعاون ، عراق، شام، لیبیا اور یمن کے تنازعات سے متعلق مشترکہ لائحہ عمل اورایران کےجوہری پروگرام کے متعلق جاری مذاکرات کا جائزہ لیا جائے گا ۔
۔