اسرائیل نے جنوبی افریقی وزیر کو ویزہ دینے سے انکار کر دیا

معلوم ہوا ہے کہ اسرائیلی حکومت نے جنوبی افریقہ کے وزیر تعلیم بلیڈ زیمانڈ کو فلسطین جانےکےلیے ویزہ نہیں دیا ۔
ایشیا ۔افریقہ اجلاس کے تحت جکارتہ میں موجود فلسطینی وزیر خارجہ ریاض الملاکی نے زیمانڈ کے ساتھ ایک مشترکہ بیان دیتےہوئے کہا کہ اسرائیل نے جناب زیمانڈ کے دورہ فلسطین کو روکنے کا جو فیصلہ کیاہے وہ سراسر نسل پرستی کا کھلا ثبوت ہے ۔
زیمانڈ نے بھی اس موقع پر کہا کہ اسرائیل ،فلسطینی عوام کے حق خود ارادیت اور آزادی کے مطالبات کی آواز کو اپنی ہٹ دھرمی سے دبانے کی کوشش کر رہا ہے۔
اس حوالے سے اسرائیلی حکومت نے تا حال کوئی بیان نہیں دیا ہے۔
مزید بر آں، القدس میں الزائم نامی چیک پوسٹ کے قریب ایک پولیس اہلکار پر چاقو سے وار کرنے والے سولہ سالہ فلسطینی نوجوان کو گولی مار کر ہلاک کر دیا گیا ۔