ترکی کی لیبیا میں حملوں کی مذمت

ترکی نےلیبیا میں دہشت گرد حملوں کی مذمت کرتے ہوئے اس ملک کے تمام تر فریقین کو اقوام متحدہ کی چھت تلے جاری سیاسی ڈائیلاگ کے سلسلے میں شمولیت کی دعوت دی ہے۔
دفتر خارجہ کی طرف سے جاری کردہ اعلامیہ میں لیبیا کے کوبہ شہر میں بھاری تعداد میں انسانوں کی ہلاکتوں اور زخمی ہونے کا موجب بننے والے دہشت گرد حملے کی شدید مذمت کی ہے۔
اعلامیہ میں کہا گیا ہے کہ ہم لیبیا کے حملوں میں اپنی جانوں سے ہاتھ دھو بیٹھنے والوں کی مغفرت اور ان کے اہل خانہ کو صبر و متانت دینے کے اللہ تعالی سے دعا گو ہیں۔ ہم لیبیائی عوام کے دکھ و درد میں برابر کے شریک ہیں۔
ترکی کے حالیہ ایام میں لیبیا میں دہشت گردانہ کاروائیوں پر گہرے خدشات رکھنے کا اظہار کرنے والے اعلامیہ میں اس بات کی اہمیت پر زور دیا گیا ہے کہ لیبیا کو دہشت گردوں کا گھڑ بننے سے بچانے کے لیے قومی مصالحت کا قلیل عرصے کے اندر قیام لازمی ہے۔