لیبیا، طرابلس اور گرد و نواح میں جھڑپوں میں تیزی

لیبیا میں مسلح گروہ دارالحکومت طرابلس کے ہوائی اڈے پر اپنا کنٹرول کرنے کی خاطر جھڑپوں میں مصروف ہیں۔
جھڑپوں میں تیزی آنے سے اقوام متحدہ نے اپنے کارکنان کو عبوری طور پر اس ملک سے واپس بلانے کا فیصلہ کیا ہے۔
کل سے آج تک ان تصادم میں نو افراد ہلاک اور 25 زخمی ہوگئے ہیں۔
مسلح گروپوں کی طرابلس ہوائی اڈے پر بمباری کے نتیجے میں نوے فیصد جہازوں کو نقصان پہنچا ہے۔
ہفتے کے روز سے ابتک ہوائی اڈے پر بھاری اسلحہ سے بمباری کرنے والے مسلح گروہوں کے حملوں سے ٹرمینل بھی جل کر خاکستر ہو گئے ہیں۔
اطلاع کے مطابق مہلک ہتھیاروں کی صنف میں شامل گریڈ میزائلوں کے ذریعے یہ حملے کیے گئے ہیں۔
حکومت لیبیا نے اس ہوائی اڈے کو تین روز تک بند کرنے کا اعلان کیا ہے۔
حکومتی ترجمان احمد لامین نے مسلح گروہوں کو ہوائی اڈے سے بیس کلو میٹر تک پیچھے ہٹنے کی اپیل کی ہے اور کہا ہے کہ ملکی سلامتی و تحفظ اور سرکاری اداروں کے از سر نوقیام کے لیے امن قوتوں کی تعیناتی کا مطا لبہ کیا جا سکتا ہے۔
بن غازی شہر میں سابق جنرل خلیفہ حفتار سے وابستہ مسلح گروہ اور خریف ملیشیاؤں کے درمیان جھڑپیں ہو رہی ہیں۔جس دوران کم ازکم دس میزائل ہدف پر آن لگے ہیں، سرکاری دفاتر اور بینکوں کو بند کر دیا گیا ہے۔
مغربی ممالک نے لیبیا میں افراتفری کے جاری رہنے کی صورت میں ملک کے دہشت گردوں کے تربیتی مرکز کی حیثیت حاصل کرنے اور مسلح گروہوں کے دیگر ملکوں میں بھی پھیل جانے کے خدشات کو زیر لب لایا ہے۔