عالمی میڈیا سے شہ سرخیاں
25/08/20
عربی اخبارات
القدس العربی: صدر رجب طیب ایردوان نے کہا ہے کہ بحیرہ اسود کے بعد اب بحیرہ روم میں بھی گیس کے ذخائر ملنے کا امکان پیدا ہو گیا ہے۔
الجزیرہ: لیبیا میں جنگ بندی کے اعلان کے بعد خلیفہ حفتر کی ملیشیا نے سرتہ شہر کے رابطے منقطع کرتےہوئے انٹر نیٹ کی ترسیل بھی روک دی ہے۔
الرایہ القطریہ: قطری اور امریکی فضائیہ نے مشترکہ پروازوں کا اہتمام کیا۔
ہسپانوی اخبارات
پرینسا لاطینہ: ترکی مشرقی بحیرہ روم میں موجود اپنے بحری جہازوں کی واپسی نہیں چاہتا۔
لاوانگواردیا: کورونا وائرس میں مبتلا ایک شخص نے کہا کہ اسے یہ مرض اسپین میں لاحق ہوا۔
الپائس: کاتالونیا میں 10 افراد کے اجتماع پر پابندی،مرسیا شہر میں یہ پابندی 6 افراد تک محدود ہے جبکہ میڈریڈ میں اجتماع پر مکمل پابندی ہے ۔
فرانسیسی اخبارات
فرانس 24: کووڈ-19 کی وجہ سے جرمنی فرانسیسی سیاحتی علاقوں یلا دی فرانس اور کوٹ ڈی آزور کےلیے سیاحت ممنوعہ قرار دے رہا ہے۔
لے فیگارو: الجزائر میں یکم نومبر کو آئینی ترمیم پر عوامی ریفرنڈم ہوگا۔
لے موندے: امریکہ میں ریپبلیکنز نے موجودہ صدر ٹرمپ کو باضابطہ طور پر صدارتی امیدوار نامزد کر دیا ۔
جرمن نیوز ویب سائٹس
ڈوئچے ویل: کورونا وائرس کے متاثرین کی تعداد دو ہزار تک پہنچ گئی،جرمنی میں ماسک پہننا لازمی قرار
ہینڈلز بلاٹ: جرمن وزیر خارجہ ہائیکو ماس آج یونان کے بعد انقرہ کا دورہ کریں گے۔
تاگیس شاو آن لائن: جرمن دارالحکومت برلن میں زیر علاج روسی مخالف لیڈر الیکسی نوالنی کو زہر دینے کا شبہ سچ ثابت ہوا۔
روسی اخبارات
ریا نووستی: روس کے سلاممیت کونسل کے نائب مشیر اولیگ ہراموف نے کہا کہ ہے دنیا بھر کے 75 فیصد سائبر حملوں کے پیچھے امریکہ کا ہاتھ ہے۔
ایزویستیا: امریکی نائب وزیر خارجہ اسٹیفن بیگن نے بیلاروس کی مخالف لیڈر اور صدارتی امیدوار سویتلانا تیخانووسکایہ سے ملک میں جمہوری نظام کے فروغ پر بات چیت کی ۔
کومر سینٹ: جنوبی قبرصی انتظامیہ بعض اہم شعبوں کے حامل روسی شہریوں کی آمد پر نرمی پیدا کرے گی ۔