پاک بھارت سیریز کا انعقاد باہمی تعلقات میں بہتری کا موجب بنے گا

پاکستانی کرکٹ ٹیم کے کوچ وقار یونس کا کہنا ہے کہ باہمی تعلقات میں کشیدگی کم کرنے کے لیے بھارت کو پاکستان کے ساتھ سیریز کھیلنی چاہیے۔
انہوں نے بتایا کہ اگرچہ موجودہ پیش رفت اچھی سطح پر نہیں ہے۔ لیکن میں ابھی بھی پُر امید ہوں کہ ماہ دسمبر میں دونوں ملکوں کے درمیان سیریز کا انعقاد ہو سکتا ہے۔ کیونکہ عدم انعقاد کھیل کیلیے بہت بڑا نقصان ثابت ہو گا۔
یونس نے پی ایس ایل میں کوچنگ کیلیے دستیابی ظاہر کرتے ہوئے کہاکہ ہمیں اپنی لیگ میں انڈر 19 اور23 کرکٹرز کو شامل کرنا چاہیے۔ دوسرے ملکوں کے نامور کھلاڑیوں کو بھی موقع ضرور دیں تا ہم ، ہمیں توازن برقرار رکھنا ہوگا، انہوں نے سزا یافتہ کرکٹرز کی ٹیم میں واپسی کے سوال کو سخت قرار دیتے ہوئے کہا کہ میں اسوقت اس موضوع پر کوئی تبصرہ نہیں کر سکتا۔
سابق کپتان کا کہنا ہے کہ انگلینڈ سے سیریز کے تناظر میں دورئہ زمبابوے کیلیے بعض سینئرز کو آرام دینا غلط نہ ہو گا، ویسے بھی چندکرکٹرز حج پر جا رہے ہیں، شاید وہ ٹیم کو جوائن نہ کر سکیں، ان کے مطابق زمبابوین سائیڈکو نظر انداز نہیں کررہا مگر نگاہیں انگلینڈ کیخلاف سیریز پر ہیں۔
پاکستان کی دسمبر میں بھارت سے سیریز خطرے سے دو چار ہے ، اس ضمن میں ایک سوال کے جواب میں وقار یونس نے بتایا کہ دونوں ملکوں کے باہمی تعلقات میں کشیدگی میں گراوٹ لانے کے لیے کھیل مقابلوں کا انعقاد لازم و ملزوم ہے۔ر وایتی حریفوں کی سیریز ہمیشہ سے ہی بڑی اہمیت کی حامل رہی ہے،کافی عرصے سے دونوں ٹیموں نے آپس میں ٹیسٹ کرکٹ نہیں کھیلی۔ میں سمجھتا ہوں کہ باہمی روابط کی بحالی کا یہ ایک اچھا موقع ہے۔ اگر مجوزہ سیریز سر انجام نا پاسکی تو اس کا نقصان دونوں ملکوں کو ہی ہو گا۔