گروناتھ پر سٹے بازی کا الزام ثابت
انڈین پریمِر لیگ کی ساکھ اور اعتماد کو سخت دھچکہ، انڈین کرکٹ بورڈ کے سابق سربراہ کے داماد کو میچ سپاٹ فکسنگ کا مجرم قرار دے دیا گیا
اطلاع کے مطابق بھارت کے سپریم کورٹ نے آئی پی ایل اسپاٹ فکسنگ مقدمے کا فیصلہ صادر کرتے ہوئے کرکٹ بورڈ کے سابق سربراہ سری نواسن کے داماد گروناتھ اور آئی پی ایل کی ٹیم راجستھان رائلز کے مالک راج کندرا کو سٹے بازی اور میچ فکسنگ میں ملوث قرار دے دیا ہے۔
بھارتی ذرائع ابلاغ کے مطابق سپریم کورٹ کی جانب سے 130 صفحات پر مشتمل اس فیصلے میں کہا گیا ہے کہ گروناتھ می اپن اور راج کندرا انڈین پریمئیر لیگ کے چھٹے ایڈیشن میں میچ فکسنگ اور سٹے بازی میں ملوث تھے۔ جبکہ سری نواسن پر صرف اپنے داماد کی پردہ پوشی کا الزام ہے جو کہ ثابت نہیں ہوسکا۔
فیصلے میں کہا گیا ہے کہ کھیل کو اس قسم کے ذاتی مفادات کا نشانہ نہیں بنایا جا سکتا۔ یہ ہر طرح کی دغابازی سے پاک ہونا چاہیے۔ میچ فکسنگ پر صرف کھلاڑیوں اور ٹیم آفیشنل ہی نہیں بلکہ فرنچائز کو بھی سزا ملنی چاہیے۔ سابق ججوں پر مشتمل 3 رکنی کمیٹی تشکیل دے دی گئی ہے جو چنئی سپر کنگز اور راجستھان رائلز کی سزا کا تعین کرے گی۔
واضح رہے کہ آئی پی ایل میں میچ فکسنگ اور سٹے بازی کا اسکینڈل سن 2013 میں سامنے آیا تھا جس پر بھارتی سپریم کورٹ نےسری نواسن کو بھارتی کرکٹ بورڈ کے صدر کی ذمہ داریوں سے سبکدوش کردیا تھا ۔تاہم وہ اس وقت انٹرنیشنل کرکٹ کونسل کے چیرمین کے عہدے پر فائز ہیں۔
متعللقہ خبریں
ترک ٹیم یورپین تیر اندازی مقابلوں میں چمپین بن گئی
قومی ٹیم نے اپنی حریف ٹیم کو 234-217 سے شکست دیتے ہوئے یورپی چیمپئن کا اعزاز حاصل کر لیا