اخبارات کی جھلکیاں
24.08.22
روزنامہ حریت کا لکھنا ہے کہ صدر رجب طیب ایردوان نے گزشتہ روز فلسطینی ہم منصب محمود عباس کے ہمراہ مشترکہ اخباری کانفرنس کے دوران واضح کیا کہ اسرائیل کے ساتھ تعلقات کے نتیجے میں فلسطین کے موقف پر ہماری پالیسی نہیں بدلے گی ۔
روزنامہ ینی شفق کے مطابق، ترک دفاعی ذرائع کا کہنا ہے کہ مشرقی بحیرہ روم میں یونانی ایف سولہ طیاروں کی جانب سے نیٹو کے فرائض پر مامور ترک طیاروں کو بلا وجہ اشتعال دلوایا گیا ہے جس کے بعد جوابی کروائی کی گئی جس کے نتیجے میں یونانی طیارے علاقے سے نکل گئے۔
روزنامہ صباح نے خبر دی ہے کہ وزیر دفاع خلوصی آقار نے گزشتہ روز امریکی ہم منصب لائیڈ آسٹن سے ٹیلی فون پر رابطہ کیا جس میں یوکرین کی صورتحال،انسداد دہشت گردی اور ایف 16 سمیت دفاعی و سلامتی کے موضوعات پر تبادلہ خیال ہوا۔
روزنامہ خبر ترک کا لکھنا ہے کہ معروف اداکار رسل کرو نے اپنی ٹویٹ میں پرستاروں سے کہا ہے کہ وہ ترکی کی ایکبار سیر ضرور کریں ،وہ ایک دلکش اور سحر انگیز ملک ہے۔
روزنامہ اسٹار کے مطابق، وزارت ثقافت و سیاحت کے اعداد و شمار میں بتایا گیا ہےکہ اس سال ترکی کی سیر کو آنے والے برطانوی سیاحوں کی تعداد گزشتہ سال کے مقابلے میں 21 گنا بڑھتے ہوئے 18 لاکھ 10 ہزار تک جا پہنچی ہے۔