ترکی کے اخبارات سے جھلکیاں

دفترِ خارجہ نے اقوام متحدہ  کی سلامتی کونسل   کی  جزیرہ قبرص میں متعین    پیس فورس  مشن  کی مدت ِ فرائض   میں  توسیع  کے فیصلے پر اظہار خیال کرتے ہوئے کہا ہے کہ  یہ فیصلہ حقائق کے منافی،  نا انصافی  پر مبنی ہے   اور شمالی  قبرصی ترک جمہوریہ   کے اداروں کی جانب سے  اس عدم انصاف کے ماحول کو دور کرنے کے  لیے  اٹھائے جانے والے  اقدامات   میں ترکی مکمل تعاون فراہم کرے گا۔

روزنامہ صباح" جرمن  اخبار: ترکی اب بیرونی  ممالک پر انحصار کرنے  والا ملک نہیں"

ترک عسکری ٹیکنالوجی  کی پیداوار میں  مقامی  و قومی پیداوار مفاہمت ایک بار پھر غیر ملکی  پریس کی شہہ سرخیوں میں نمایاں رہی ہے۔  جرمن روزنامہ ہینڈلز بلاٹ  نے ترک اسلحہ کی پیداوار  کی تمام تر تفصیلات  کا  جائزہ لینے والے ایک   تجزیے کو شائع کیا ہے۔  اس تجزیے  میں واضح کیا گیا ہے کہ 'اب  ترکی بیرونی دنیا پر انحصار  کرنے والا ملک نہیں۔ '

روزنامہ سٹار:"بائراکتار کی جانب سے پولینڈ کو بائراکتار ٹی بی ٹو کا  تحفہ"

بائراکتار فرم  نے  پولینڈ میں  یوکیرین  کے لیے بائراکتار  ٹی بی ٹو مسلح ڈراونز کی خرید کے زیر مقصد  جمع کی جانےو الی   عطیات کی رقوم کو  یوکیرین کی امدادی تنظیموں  کو منتقل کیے جانے    کی خواہش کا اظہار کرتے ہوئے  کہا   ہے کہ ہم نے  'بائراکتار  ٹی بی ٹو ' کا عطیہ دینے کا فیصلہ کیا ہے۔ بائراکتار نے  اس سے قبل بھی  یوکیرین  اور لتھوانیا   کی امدادی  مہموں کے  جواب میں مجموعی طور پر 4 ڈراونز  کا عطیہ  دیا تھا اور جمع کردہ  امداد  کو یوکیرینی عوام کے لیے استعمال کیے  جانے کی درخواست کی تھی۔

روزنامہ خبر ترک :"ترک معیشت تبدیلی کے عمل سے گزر رہی ہے"

جمہوریہ ترکی کے سنٹرل بینک  کے گورنر  شہاب قاوجی اولو  کا کہنا ہے کہ ترک معیشت نے  سال 2004 سے ابتک  پہلی بار اوپر تلے دو سہ ماہیوں میں  کرنٹ  سرپلس   حاصل کیا ہے۔  انہوں نے بتایا کہ یہ صورتحال ترک  معیشت کے لیے ایک نئے دور کا آغاز ہے  اور یہ برآمدات پر مبنی شرح  نمو کا اشارہ   دیتی ہے۔

روزنامہ وطن :"امسال سیاحتی آمدنی میں ترکی ریکارڈ  توڑے گا"

وزیر ِ ثقافت و سیاحت  مہمت نوری  ایرسوئے  کا کہنا ہے  کہ  رواں سال  سیاحتی آمدنی میں جمہوریہ ترکی  نئے  ریکارڈ قائم کرے گا ۔  انہوں نے بتایا کہ  ترکی میں سال 2019 میں سیاحتی آمدنی 34٫5 ارب ڈالر رہی تھی جو کہ ایک ریکارڈ تھا۔  ترکی دوبارہ  اس ریکارڈ کو توڑےگا، ہم نے امسال  اس کے لیے 37 ارب ڈالر کا ہدف مقرر کر رکھا ہے، انشاللہ ہم اسے مزید آگے لے جائیں گے۔