اخبارات کی جھلکیاں

روزنامہ حریت  نے خبر دی ہے کہ صدر ایردوان  متحدہ عرب امارات  کے صدر شیخ خلیفہ بن زائد النہیان کی وفات  کے باعث ابو ظہبی روانہ ہو گئے جنہوں نے وہاں اماراتی صدر اور امیر ابو ظہبی  شیخ محمد بن زائد النہیان سے ملاقات کی ۔

روزنامہ ینی شفق نے لکھا  ہے کہ  روس کی یوکرین کے خلاف جنگ کے دوران ترک ساختہ ڈرون بائراکتر ٹی بی ٹو کے بارے میں  برطانوی میڈیا  نے بتایا کہ یوکرین نے اس جنگ مین ترک ڈرونز کے ذریعے 800 سے زائد حملے کیے ہیں۔

 روزنامہ وطن کے مطابق،فن لینڈ کے صدر ساولی نینیستو نے  نیٹو مخالفت اور ترکی کے تحفظات پر کہا کہ امید ہےکہ یہ مسئلہ حل کرلیا جائے گا جبکہ سویڈش وزیر اعظم ماگدانیلا اینڈرسن  نے کہا  کہ ہم بھی ترکی کے ساتھ مکالمت کے ذریعے اس کا حل چاہتے ہیں۔

روزنامہ صباح کا لکھنا ہے کہ  یورپی ادارہ برائے شماریات  کا کہنا ہے کہ  ترکی  یورپی یونین ممالک کے مقابلے میں مویشیوں کی تعداد کے حوالے سے سر فہرست ہے ۔

روزنامہ اسٹار کے مطابق ، ترکی میں روسیوں  نے  رہائشی املاک خریدنے میں دلچسپی بڑھا دی ہے، اس فروخت میں  186٫6 فیصد اضافہ ہوا  جو کہ غیر ملکیوں میں سر فہرست رہے ہیں۔