اخبارات کی جھلکیاں
21/08/20
روزنامہ خبر ترک کا لکھنا ہے کہ تر کی کی اپنے جائز حقوق کے تحفظ کےلیے مشرقی بحیرہ روم میں سرگرمیاں جاری ہیں جبنکہ یونان پے درپے ترکی کی یورپ سے شکایتیں لگانے میں مصروف ہے۔یورپ ترکی کو اعتدال پسندی کا درس دے رہا ہے جس پر امور خارجہ کے ترجمان حامی اکسوئے نے کہا کہ یورپی یونین اگر مشرقی بحیرہ روم میں امنو استحکام اور خوشحالی چاہتی ہے تو اسے درست رویہ اپنتے ہوئے اعتدال پسندی کا درس ہمیں نہیں یونان اور جنوبی قبرص کو دینا چاہیئے۔
روزنامہ حریت نے خبر دی ہے کہ وزیر برائے مواصلات و بنیادی ڈھانچہ عادل قارا اسماعیل اولو نے کورونا کے باعث ہوائی غباروں کی سیر کو 22 اگست سے دوبارہ کھولنے کا عندیہ دیا ہے۔ انہوں نے بتایا کہ ترکی میں ہرسال 6 لاکھ کے لگ بھگ سیاح ان گرم ہوا سے بھرے غباروںسے فضا کی سیر کرتے ہیں۔گزشتہ سال یہ تعداد ساڑھے چھ لاکھ سے زیادہ تھی۔
روزنامہ وطن کے مطابق ، سال رواں کی پہلی شش ماہی کے دوران ترکی نے یک وقتی استعمال کےلیے موزوں ماسکوں کی برآمدات جرمنی،چین،فرانس،رومانیہ اور کویت کے لیے کی ہیں اس عرصے میں جرمنی کو 14٫3 ملین ڈالرز کی،چین کو 13٫6 ملین ڈالرز کی،فرانس کو9٫8 ملین ڈالرز،رومانیہ کو 8٫6 ملین ڈالرز اور کویت کو 8٫5 ملین ڈالرز کی برآمدات کی ہیں۔
روزنامہ اسٹار نے لکھا ہے کہ سن 1915 کے واقعات سے متعلق تحقیق پر مامور امریکہ کی ٹینیسی ٹیک یونیورسٹی کے شعبہ برائے سماجیات و سیاسیات مروفیسر مائیکل گنٹر نے کہا ہے کہ سن 1915 کے واقعات سے متعلق آرمینیوں کے دعوے دلائل سے عاری ہیں جبکہ آرمینیوں کی طرف سے پیش کردہ مشہور آندونیان دستاویز بھی جھوٹ کا پلندہ ہے