ترکی کے اخبارات سے جھلکیاں

روزنامہ صباح  "قبرص   میں  پیدا ہونے والی رکاوٹ کو ایردوان۔چپراس  دور  کریں  گے"   کے زیر عنوان   لکھتا ہے  کہ مسئلہ قبرص  کے حل   کے  حوالے سے  جاری مذاکرات  کے کٹھائی  میں پڑنے   نے شمالی اور جنوبی قبرص کے  فریقین   کو ایک  بار پھر مایوسی   دلائی ہے۔ حکومتِ  یونان   کے حلقوں  کے  مطابق  ،   اس  رکاوٹ    کو دور کرنے کے  زیر ِ مقصد   صدر  رجب طیب ایردوان اور یونانی   وزیر اعظم  الیکسسز چپراس کے وسیع پیمانے  پر    ٹیلی  فونک  مذاکرات  جاری  ہیں۔    یونانی حکومت  کے ایک افسر     کا کہنا  ہے کہ   ایردوان اور چپراس  ضمانت  کے نظام   میں  نظریاتی    اختلافات سے ہٹ   کر مذاکرات  کی راہ  میں   حائل   دیگر رکاوٹوں کو  دور کرنے  کے زیرِ مقصد    " کسی غیر جانبدار علاقے  میں   ماہ دسمبر کے  اوائل میں     ملاقات  کے حوالے سے  اپنے اپنے امور پر کام کر رہے  ہیں۔"

روزنامہ حریت "اسٹولٹن     برگ کی 15 جولائی کے اقدام  کے خلاف حمایت"   عنوان  کے تحت  لکھتا ہے کہ نیٹو  کے سیکرٹری جنرل   یانز  اسٹولٹن  برگ   نے کہا ہے کہ   فوج  کے اندر  دہشت گرد تنظیم فیتو کے ارکان   کی جانب سے  حکومت  کو  گرانے  کا اقدام  ایک سنجیدہ   سطح کا جُرم ہے اور  ترکی کو ان افراد کے خلاف قانونی و عدالتی کاروائی کرنے کا حق حاصل ہے۔  دفاعی  قوتوں کو   جمہوری طریقے سے   منتخب شدہ     حکومت   کا وفادار   رہنے    کی ضرورت پر زور دینے والے    اسٹولٹن برگ   کا کہنا تھا کہ    ترکی نے    نیٹو   میں فرائض ادا کرنے والے   فیتو    کے کارکنان  کی جگہ نئی تعیناتیاں کی ہیں۔ انہوں نے    ترکی کی نیٹو  کے ہیڈ کواٹر اور  اس  کے  دیگر دفاتر اور اداروں  میں     اعلی خدمات پر    اپنی خوشنودی کا بھی اظہار کیا۔

روزنامہ ینی  شفق "دہشت گردوں کی  ریڈ بلیٹن  کے ذریعے   تلاش کی جائیگی" عنوان  کے تحت   لکھتا ہے کہ انقرہ  کےکوچہ مراسم  میں  حملوں  کے جواز   میں  PKK اور پی وائے  ڈی  کے دہشت گردوں   کی گرفتاری  کے وارنٹ   جاری کر دیے   گئے ہیں۔ وارنٹ   جاری کردہ 48 افراد  میں    PKK  کی شام میں شاخ    پی وائے ڈی  کے  شریک  لیڈر  صالح مسلم بھی شامل   ہیں۔ مسلم   کو ترکی  میں داخل ہوتے ہی    گرفتار    کرتے   ہوئے  عدالت کے کٹہرے  میں  پیش کیا جائیگا۔    اس  دہشت گرد    کے لیے    ریڈ  بلیٹن بھی  نکالا   جا رہا ہے۔  یہ فیصلہ   یورپ کے  لیے  دہشت گردی کے خلاف   جنگ  کے حوالے سے     کسی امتحان کی بھی   حیثیت   رکھے گا۔  حال ہی میں   جرمن   پارلیمنٹ  میں   میزبانی  کیے  جانے والے  صالح مسلم       کا یورپ جانا اب   مشکل   بن جائیگا۔ کیونکہ   اب      اس کو  بین الاقوامی قوانین  کی رو سے   حراست  میں  لیا جانا لازمی ہو گا۔

روزنامہ خبر ترک  نے "جرمن    فرم   EWE 120 ملین یورو کی سرمایہ کاری کرے گی"  کے زیر عنوان   لکھا ہے کہ  وزیر توانائی و قدرتی وسائل  بیرات الابائراک  نے ترک  معیشت   پر اعتماد  اور     اس کی پختگی کی دنیا بھر کی جانب سے تائید  کیے جانے   کی وضاحت کرتے ہوئے بتایا ہے کہ  جرمن انرجی فرم  EWE    ترکی میں  120 ملین یورو کی سرمایہ کاری  کرنے کا ارادہ رکھتی ہے۔   الا بائراک نے اپنے ٹویٹر    اکاؤنٹ پر لکھا ہے  کہ  "  ہم  نے دنیا کی    ممتاز   انرجی  فرموں میں  سے EWE   کے سی ای او   ماتھیاس  بروکمان  اور ہمراہی وفد  سے ملاقات  کی ہے، جس دوران   انہوں نے    ہمارے ملک میں   خطیر   رقوم   کی سرمایہ کاری     کرنے   کے خواہاں ہونے کا   ذکر کیا ہے۔  ہم نے بعد میں   جرمن    ونڈ انرجی        کی  ممتاز فرم  نورڈیکس   کے سی ای او سے بھی ملاقات کی، انہوں نے   قابل تجدید  توانائی کے وسائل   کے حوالے سے ہماری حکمت  عملی   اور  اسی شعبے میں   ترکی میں  سرمایہ کاری   میں  قریبی  طور پر دلچسپی لینے کا اظہار کیا ہے۔

روزنامہ وطن "ہمیں  ترکی پر بھروسہ ہے ، ہمارے شو رومز کی تعداد  کو تین گنا تک بڑھایا جائیگا"  جلی سرخی لگاتے ہوئے   اپنی خبر میں لکھتا  ہے کہ  سامسنگ  الیکڑونکس   ترکی   نے اعلان کیا ہے کہ یہ نئی سرمایہ کاری کے دائرہ کار  میں  سن 2018  کے آخیر تک   اپنے   شو رومز کی تعداد کو  تین گنا تک  بڑھاتے ہوئے  900 تک   کر دے گا۔   سامسنگ کے ڈائریکٹر   مرک   گرسوئے   کا کہنا ہے کہ ہمیں  ترکی  کی استعداد اور اس کے مستقبل پر    پورا   یقین  ہے۔  ہماری ترقی  کے  دور کی  تیاری   کی غرض سے   ترکی    میں  ہم اپنے  اہداف کو وسعت دیتے ہوئے سرمایہ کاری کے عمل میں  تیزی لا رہے ہیں۔