امریکہ نے کابل ہوائی اڈے کی فضائی ٹریفک کا کنٹرول سنبھال لیا

متحدہ امریکہ  نےاعلان کیا ہے کہ   یہ افغان دارالحکومت کابل  سے امریکی شہریوں کے با حفاظت طریقے سے انخلا کے لیے   کابل ہوائی اڈے  کی فضائی ٹریفک کا نظام  اپنے ہاتھ میں لے گا۔

امریکی  وزارتِ دفاع  و  خارجہ کے مشترکہ  بیان میں واضح کیا گیا ہے کہ امریکی  شہریوں اور امریکہ کے حمایتی  افغانیوں کے باحفاظت اس ملک سے انخلا کو ممکن بنانے کے زیرِ مقصد کابل ہوائی اڈے کے  گرد  ونواح میں سخت حفاظتی اقدامات کیے گئے ہیں۔

اس دائرہ کار میں  آئندہ کے 48 گھنٹوں میں تقریباً 6 ہزار امریکی فوجیوں  کی ہمراہی میں متعلقہ  انخلا آپریشن  سر انجام دیا جائیگا ، جس  کے لیے ہوائی اڈے کی فضائی ٹریفک کا نظام امریکی  عملے کے ہاتھ میں ہو گا۔

یہ بھی بتایا گیا ہے کہ یہ عمل کچھ مدت تک جاری رہے  گا اس آپریشن میں امریکہ کے حمایتی  2 ہزار کے لگ بھگ افغان شہریوں  کو  امریکہ لایا جائیگا۔  جبکہ بعض کو  دیگر ممالک کو پہنچایا جائیگا۔

وزارت دفاع کے ایک عہدیدار نے اپنا نام خفیہ رکھنے کی شرط پر سی این این کو بتایا ہے کہ  اتوار  کی شب سے کابل ہوائی اڈے کی فضائی ٹریفک کا کنٹرول امریکی عملے نے سنبھال لیا ہے۔

امریکی دفتر خارجہ کے ترجمان نیڈ پرائس  نے بھی ایک تحریری بیان میں واضح کیا ہے کہ  کابل  سفارتخانے کے تمام تر عملے کو شہرسے با حفاظت طریقے سے نکالتے ہوئے انہیں کابل ہوائی اڈے کے جوار میں   مقیم کیا جارہا ہے۔