بھارتی ریاست تامل ناڈو کی فیکٹری میں دھماکہ ،15 مزدور ہلاک
بھارتی ریاست تامل ناڈو کی فیکٹری میں دھماکے کے نتیجے میں آگ بھڑک اٹھی جس کی زد میں آکر 15 مزدور ہلاک ہوگئے۔
622026
بھارتی ریاست تامل ناڈو کی فیکٹری میں دھماکے کے نتیجے میں آگ بھڑک اٹھی جس کی زد میں آکر 15 مزدور ہلاک ہوگئے۔
جنوبی ریاست تامل ناڈو میں فیکٹری میں اچانک دھماکے کے بعد آگ بھڑک اٹھی جس نے دیکھتے ہی دیکھتے پوری عمارت کو اپنی لپیٹ میں لے لیا۔ آگ اتنی شدید تھی کہ تمام چیزیں جل کر خاکستر ہوگئیں اورفیکٹری میں کام کرنے والے 15 مزدور جل کر ہلاک ہوگئے۔
مقامی پولیس کے مطابق فیکٹری میں دھماکے کے بعد عمارت مکمل طور پر تباہ ہوگئی جس کے باعث فیکٹری میں موجود کسی بھی مزدور کے زندہ بچ جانے کا امکان بہت کم ہے جب کہ فیکٹری انتظامیہ کے مطابق دھماکے کے وقت فیکٹری میں 18 ملازمین کام کررہے تھے تاہم دھماکے کی وجوہات کا علم نہیں ہوسکا۔
