دریا میں بس گرنے سے 22 ہندو یاتری ہلاک

اطلاع ملی ہے کہ بھارت کی جنوبی ریاست آندھرا پردیش میں راجا مندری کے جوار میں ایک مسافر بس گوادری دریا میں گرنے سے 22 زائرین ہلاک ہو گئے۔ بس ریاست آندھرا پردیش کے مشہور تری پتی مندر سے واپس آرہی تھی کہ ایک پل پر سے گزرتے وقت توازن بگڑنے سے دریا میں جا گری۔
اس حادثے کے نتیجے میں ایک 12 سالہ بچے کے علاوہ تمام افراد ہلاک ہوگئے۔
مقامی پولیس کا کہنا ہے کہ ڈرائیور بس کو قابو نہ کر سکا جس سے یہ نیچے گرنے سے نہ بچ سکی، حادثے کے وقت دریا میں پانی کی سطح خاصی کم تھی۔
آندھرا پردیش کے چیف منسٹر چندرابابو نائیڈو نے ٹوئٹر پر اپنے پیغام میں حادثے پر غم و افسوس کا اظہار کرتے ہوئے کہا کہ انتظامیہ ہر ممکن مدد فراہم کر رہی ہیں۔
اطلاعات کے مطابق مرنے والوں میں نو خواتین اور سات بچے شامل ہیں جن ان کی لاشوں کو راجا مندری کے ایک ہسپتال میں بھیج دیا گیا ہے۔
خیال رہے کہ تروپتی میں ہندوؤں کا معروف مندر ہے اور یہ آندھر پردیش کے ضلع چتور میں آتا ہے۔