بھارت میں جعلی شراب کی وجہ سے ہلاکتیں

بھارت میں جعلی شراب کی وجہ سے ہلاکتیں۔۔۔
پولیس افسر مُکُل گوئل نے کہا ہے کہ بھارت کے جنوب مغربی صوبے کے ایک گاوں میں مزید 11 افراد جعلی شراب پینے سے ہلاک ہو گئے ہیں اور اس طرح جعلی شراب کے نتیجے میں ہلاک ہونے والوں کی تعداد 28 تک پہنچ گئی ہے۔
سرکاری افسر انیل گارگ نے بھی کہا ہے کہ نقلی شراب پینے والے 160 افراد کو ہسپتال منتقل کر دیا گیا ہے۔
ڈاکٹروں کا کہنا ہے کہ ہسپتال منتقل کئے جانے والوں میں سے بعض کی حالت نازک ہے اور انہیں مصنوعی تنفس دیا جا رہا ہے جبکہ بعض مریض قوتِ بصارت سے محروم ہو گئے ہیں۔
اطلاع کے مطابق یہ جعلی شراب لکھنو میں ایک کرکٹ میچ دیکھنے والے 200 سے زائد تماشائیوں نے پی ۔
کنگ جارج طب فیکلٹی کی ڈاکٹر کوثر عثمان نے کہا ہے کہ شراب کےٹیسٹ کے نتیجے میں اس میں جانداروں کے لئے نقصان دہ میٹیل الکحل کی تصدیق ہوئی ہے۔
صوبے کے اٹارنی کے مطابق جعلی شراب بیچنے والے دوکاندار کو حراست میں لے لیا گیا ہے۔
واقعے سے متعلق بیان دیتے ہوئے اتر پردیش کے وزیر اعلٰی اخیلیش یاداوا نے کہا ہے کہ رشوت لے کر دوکان سے متعلق شکایات کو دبانے والے مشتبہ پولیس اہلکار حراست میں لے لیا گیا ہے۔