ٹی آر ٹی انٹرنیشنل ڈیجیٹل پلیٹ فارم کا پرومو کل استنبول میں سر انجام پایا

ترکیہ ریڈیو ٹیلی ویژن کارپوریشن    کے انٹرنیشنل ڈیجیتل پلیٹ فارم "طبعی" کا پرومو  بے کوز قندرا فیکڑی میں  سر انجام پایا۔

پروموشنل تقریب میں صدارتی محکمہ اطلاعات  کے چیئر مین  فخرالدین التون، ٹی آر ٹی کے  ڈائریکٹر جنرل  زاہد سوباجی، انادولو ایجنسی (اے اے) کے جنرل منیجر سردار قارا گیوز اور اے اے کے ڈپٹی جنرل منیجر یوسف اوزخان کے ساتھ ساتھ فن، سینما، سیاست، کھیل، کاروبار اور اشتہارات کی دنیا کی  کئی نامور شخصیات نے  شرکت کی۔

اس پروگرام سے خطاب کرنے والے صدارتی محکمہ اطلاعات  کے   چیئرمین فخرالدین آلتون  نے بتایا کہ "ٹی آرٹی ڈیجیٹل پلیٹ فارم، عالمی میدان میں اہم رقیبوں کے ساتھ  نبرد آزما ہو گا۔"

ا نہوں نے بتایا کہ  TRT ڈیجیٹل پلیٹ فارم نے 5 زبانوں میں نشریات شروع کر دی ہیں،  اور انہیں  یقین ہے کہ یہ پلیٹ فارم نئی زبانوں کے ساتھ اپنے سفر کو  جاری رکھے گا۔

آلتون نے اس بات پر زور دیا کہ اب ہم عالمی میدان میں نہ صرف صارف  بلکہ پیداوار کرنے والے ملک  ہیں  جس کا مظاہرہ  ہم نے ثقافتی میدان میں ٹھوس انداز  میں کیا ہے۔ "ہم۔ ہمیں متحد  کرنے والی کہانیوں  کی بدولت  پوری دنیا  کے لیے  نشریات پیش کر رہے ہیں۔  میں سمجھتا ہوں کہ یہ منصوبہ ہماری جمہوریت کی صدسالہ سالگرہ اور ترکیہ صدی  کے  منشور کے عین  مطابق ہے۔"

تقریب سے خطاب کرتے ہوئے TRT کے ڈائریکٹر جنرل   سوباجی نے کہا کہ TRT کے طور پر ہم ایک طویل عرصے سے بین الاقوامی ڈیجیٹل پلیٹ فارم کے لیے بڑی  احتیاط سے کام کر رہے ہیں اور "ہم نے ایک بہتر دنیا کے نعرے کے ساتھ جو ڈیجیٹل پلیٹ فارم تیار کیا ہے،  ہمارے ملک کو بین الاقوامی میدان میں ایک نیا برانڈ بنانے کے لیے ہم آج سے  اس  عالمی سفر کی جانب  پہلا قدم اٹھا رہے ہیں ۔"

انہوں نے توجہ مبذول کراتے ہوئے کہا ہے کہ ٹی آر ٹی ،ترکیہ کی سمعی اور بصری  یادداشت  کو تشکیل دینے کے تناظر  میں ایک  ہارڈ ڈسک کی حیثیت  رکھتا ہے۔ " آج  ہماری  صدا   18 ٹیلی ویژن چینلز، 17 ریڈیو چینلز، 7 انٹرنیشنل ڈیجیٹل نیوز پلیٹ فارم ،   کثیر تعداد میں ایپلیکیشنز، قومی اور بین الاقوامی سطح پر سرگرمیوں سمیت41 زبانوں اور ڈائلیکٹ  کے ذریعے دنیا کے ساتوں بر اعظموں  تک پہنچ رہی ہے۔  ٹی آر ٹی  نے اس مقام کو مسلسل جدت، محنت اور ترقی کرتے ہوئے حاصل کیا ہے۔  اس نے ہمیشہ عصر حاضر کی ضروریات  اور   ظہور پذیر ہونے والی  استعداد کو بروئے کار لاتے ہوئے   آگے بڑھنے کو اپنا نصب العین بنایا ہے۔

جناب سوباجی نے مزید کہا کہ "ہم دنیا میں فیملی  مواد کی ضرورت کو پورا کرنے کے لیے بنیادی چینل ہوں گے۔ ہماری فلموں اور ٹی وی سیریز کے علاوہ، یہ ہمارے خاندانوں کا نیا ڈیجیٹل گھر بن جائے گا جو ہمارے بچوں کے لیے بالکل نئے اینیمیٹڈ مواد کے ساتھ ہم پر اعتماد کرتے ہیں۔ TRT بین الاقوامی ڈیجیٹل پلیٹ فارم پہلے مرحلے میں ترکی، انگریزی، ہسپانوی، اردو اور عربی زبانوں میں مواد پر مشتمل ہوگا۔ "نئی پروڈکشنز اور 184 اقساط کے ساتھ، اس پلیٹ فارم کا ٹائٹل سب سے زیادہ اصلی مواد کے ساتھ ہوگا۔ افتتاحی مرحلہ۔ ہمارا پلیٹ فارم، جس میں TRT کی مقبول پروڈکشنز کے ساتھ ساتھ ہمارے پائے کے  منصوبے بھی شامل  ہوں گے کو  ہمارے ملک میں 7 مئی سے  ہماری نشریات کے شائقین   کے لیے  اپنی خدمات شروع کر دے گا۔"

انہوں نے  اس بات کا مژدہ بھی دیا کہ  شروع شروع میں ترک صارفین کے لیے    انٹرنیشنل ڈیجیٹل پلیٹ فارم کی نشریات  بلا اجرت ہوں گی اور  "طبعی"  تک رسائی  کے لیے  آپ   www.tabii.com سے استفادہ کر سکتے ہیں۔

ایکشن سے لے کر کامیڈی تک، تاریخی ڈرامے سے لے کر  کارٹون  تک بہت سے مواد بین الاقوامی ڈیجیٹل پلیٹ فارم پر  شائقین کو محظوظ کرائیں  گے۔