امسال ترکی آنے والے سیاحوں کی تعداد 30 ملین کے قریب پہنچ چکی ہے

سال کے پہلے 10 ماہ میں ترکی کی سیر کو آنے والے غیر ملکیوں کی تعداد گزشتہ برس کے اسی دورانیہ کے مقابلے میں 28٫1 فیصد  اضافے کے ساتھ 29 ملین 53  ہزار  تک رہی ہے۔

وزارت ثقافت و سیاحت کی ویب سائٹ پر جاری کردہ  اعداد و شمار کے مطابق   ماہ اکتوبر میں یہ تعداد 2 ملین 9 لاکھ 93 ہزار  ریکارڈ کی گئی ہے۔

جن میں  روسی سیاح  4 لاکھ 43 ہزار کی  تعداد کے ساتھ پہلے نمبر پر رہے ہیں۔

مجموعی طور پر بھی روسی سیاح اول نمبر  پر ہیں تو اس کے بعد جرمن اور ایرانی سیاحوں کا نمبر آتا ہے۔