وزیر اعظم یلدرم کی عالمی بچوں سے ملاقات

وزیر اعظم بن علی یلدرم  نے" 39 ویں  ٹی آرٹی  بین  الاقوامی   23 اپریل   جشن ِ اطفال "    کے سلسلے  میں   26  ملکوں سے ترکی  آنے والے    بچوں  کو شرف ِ ملاقات  بخشا۔

قصرِ چنکایہ میں  ہونے والی اس ملاقات  میں عالمی    بچوں نے  رقص    کا مظاہرہ  کیا۔

وزیر اعظم   یلدرم نے  اس    تقریب سےخطاب کرتے ہوئے کہا کہ "آپ ہمارے   دنیا  کے  قیمتی  ترین   مہمان  ہیں،     میری   دعا ہے کہ 23 اپریل   قومی حاکمیت  اور  بچوں   کا تہوار  دنیا بھر کے بچوں کے  لیے  خوشیوں اور  مسکراہٹوں کا  وسیلہ ثابت ہو"۔

انہوں نے کہا کہ   23 اپریل، دنیا بھر کے لیے   ترکی میں    بین الاقوامی  سطح پر   بچوں   کو یکجا کرنے والا  ایک   دن  ہے،  یہ  بیک  وقت  ترکی  کے خود مختاری اور آزادی  سے ہمکنار ہونے والا ایک دن ہے۔ 23 اپریل  قومی  حاکمیت  اور بچوں  کا تہوار   ترکی  کی میزبانی  میں   دنیا  کے  مختلف مقامات    کے بچوں کو یکجا کرنے والا    اور امن،  محبت اور بھائی  چارے   کے پیغام  کا پرچار کرنے والا ایک   جشن  ہے۔

وزیر اعظم کا کہنا  تھا کہ  "کاش  ہم   بڑے   بھی آپ   کی طرح     یکجا ہوتے ہوئے  انہی  جذبات کا  بھر پور  طریقے سے مظاہرہ کر سکیں اور  معصوم  بچوں کی ہلاکتوں  کا   موجب  کر سکیں۔ جمہوریہ ترکی کے بانی   اور 23  اپریل  کے دن کو بچوں کے  لیے   مختص کرنے والے  غازی مصطفی کمال   اتاترک    کا میں  ترک  قوم کے نام پر    شکریہ ادا کرتا ہوں اور تمام تر شہدا کی مغفرت کا دعا گو ہوں۔"

انہوں نے  مہمان بچوں  سے مخاطب ہوتے ہوئے کہا کہ "آپ ہمیں، ترکی اور   ترک  بچوں کو مت بھلائیے گا،   ترک   دوستوں  سے  رابطے میں رہیے تا کہ یہ دوستی   مزید  پروان  چڑھے۔  یہ    دوستی اور اتفاق  و سلوک   اس دنیا کو مستقبل میں مزید   پر امن اور   شاندار بنائے  گا۔

دنیا بھر کے بچوں کے لیے   ایک  کامیاب،   پر امن اور  درخشاں مستقبل    کی دعا کرنے والے وزیر اعظم  کا کہنا تھا کہ" ہماری تمنا ہے کہ   دنیا  کے کسی بھی  مقام پر  بچوں سے زیادتیاں نہ ہوں، ان کا مستقبل  تاریک  نہ بنے ،    ان کے والدین   کو کبھی بھی بچوں   کے حوالے سے کوئی  دکھ نہ  پہنچے۔ "

ٹی آرٹی  بین الاقوامی  23   اپریل  بچوں   کے تہوار کے حوالے سے تمام تر خبروں تک  www.trt23nisan.com  ویب   سائٹ  اور ٹویٹر  ڈاٹ  کام سلیش ٹی آرٹی نیسان  اور “facebook.com/trt23nisan”  سماجی   میڈیا    کے  اکاؤنٹس    سے رسائی  کی جا سکتی ہے۔