عبداللہ گل عجائب گھر اور کتب خانے کا افتتاح
عبداللہ گل عجائب گھر ترکی کے کہاں سے کہاں تک آنے کامشاہدہ کرنے کے لحاظ سے اہمیت کا حامل ہے
صدر رجب طیب ایردوان نے 15 جولائی کا اقدام جمہوری پیش قدمی کا راستہ کاٹنے کی کوشش کرنے والوں کا ایک آخری حربہ تھا پر زور دیتے ہوئے کہا کہ "اندر اور باہر سے اٹھائے جانے والے اس اقدام کے ذریعے ہمارا راستہ کاٹنے کی کوشش کرنے والے قوم کے حق کی خاطر مؤقف کے سامنے اپنے گھٹنے ٹیکنے پر مجبور ہو گئے ۔ یہ چاہے جس قدر بھی ٹینکوں ، ایف۔ 16 اور توپ گنوں پر قبضہ ہی کیوں نہ کر لیں یہ عوام کے اعتقاد و یقین کے سامنے کچھ بھی نہیں کر سکتے۔ میں تمام تر شہدا کی مغفرت اور غازیوں کی صحتیابی کا دعا گو ہوں۔"
صدر ایردوان اور وزیر اعظم یلدرم نے سابق صدر عبداللہ گل کے نام پر قیصری میں واقع عبداللہ گل یونیورسٹی کے اندر میوزیم اور لائبریری کی افتتاحی تقریب میں شرکت کی۔
اس موقع پر انہوں نے بتایا کہ سیاسی تاریخ کے عجائب گھروں نے اب آہستہ آہستہ تشکیل پانی شروع کر دی ہے، عبداللہ گل عجائب گھر ترکی کے کہاں سے کہاں تک آنے کامشاہدہ کرنے کے لحاظ سے اہمیت کا حامل ہے۔
بن علی یلدرم نے بھی اس موقع پر کہا کہ "ایوانِ صدر عبداللہ گل عجائب گھر اور لائبریری " سن 1950 تا 2014 کے درمیانی عرصے سے تعلق رکھنے والی ترک سیاسی تاریخ کی بہترین طریقے سے عکاسی کرے گی۔
ہم قدیم اور طویل ماضی کی حامل ایک قوم ہیں، ہمیں اپنی اقدار اور سر پڑنے والے مصائب کو آئندہ کی نسلوں تک پہنچانا ہو گا۔
متعللقہ خبریں
غزہ نسل کشی کے خلاف انصاف اور سچائی ، سادہ اور واضح پہلو کا فریقی بننے پر زور
ہمیں دنیا میں نوجوانوں کی ہمدردی، سادگی، انصاف کے جذبے اور مزاحمت کی ضرورت ہے