سوشل میڈیا پر بجرنگی بھائی جان کےٹریلر کی دھوم

 ہمیشہ سے شہ سرخیوں کی زینت بنے رہنے والے دبنگ خان کی فلم بجرنگی بھائی جان کا ٹریلر جاری کر دیا گیا۔
فلم سال عید کے موقع پر سینما گھروں کی زینت بنے گی۔
بجرنگی بھائی جان کے اس ٹریلر نے سوشل میڈیا پر دھوم مچا دی ہے ۔
فلم کی کہانی ایک پاکستانی بچی کے گرد گھومتی ہے جو ٹرین چھوٹ جانے کی وجہ سے بھارت میں رہ جاتی ہے جس کی مدد کیلئے دبنگ خان میدان میں اترتے ہیں اور بچی کو پاکستان پہنچانے کی ذمہ داری اٹھاتے ہیں۔
فلم کے ہدایت کار کبیر خان ہیں جبکہ کاسٹ میں کرینہ کپور اور نوازالدین صدیقی اہم کردار نبھاتے نظر آرہے ہیں۔
بجرنگی بھائی جان سترہ جولائی کو بھارتی سینما گھروں میں پیش کر دی جائے گی۔