لیڈی گاگا کو شادی کی پیشکش

عالمی شہرت یافتہ پاپ موسیقی کی ملکہ اور ہمیشہ اپنے منفرد ملبوسات کی بدولت عالمی ذرائع ابلاغ کا توجہ مرکز بننے والی لیڈی گاگا نے بھی آخر کار اپنا جیون ساتھی ڈھونڈ ہی لیا ہے۔
لیڈی گاگا کا کہنا ہے کہ وہ جلد ہی رشتہ ازدواج میں منسلک ہو جائینگی،کیونکہ ان کو موزوں دلہا مل گیا۔ 28 سالہ گلوکارہ نے بتایا کہ ویلنٹائن ڈے پرشوبز سے وابستہ 33 سالہ ٹیلر کینی نے انہیں ہیرے کی انگوٹھی دے کر ان سے شادی کرنے کی خواہش ظاہر کی، جس پر وہ انکار نہ کرسکیں۔ گاگا نے اعلان کیا کہ وہ جلد ٹیلر کینی سے شادی کریں گی اور شادی کے روز اپنی والدہ کا عروسی جوڑا زیب تن کریں گی۔
لیڈی گاگا کے 33 سالہ معشوق ٹیلرکینی ٹی وی شوز کے حوالے سے ایک مشہور و معروف شخصیت ہیں۔ انہوں نے لیڈی گاگا سے شادی کا اعلان یوم ِ عاشقاں کے موقع پر کیا۔