اناج راہداری معاہدے پر روس کی رکاوٹ پر گوٹریس اور بلنکن کی بات چیت

امریکی وزیر خارجہ انٹونی بلنکن نے  اقوام ِ متحدہ کے سیکرٹری جنرل انتونیو گوٹریس   کے ساتھ  آئندہ ماہ مدت پوری ہونے والے بحیرہ اسود اناج راہداری معاہدے    سے روس کی دستبرداری کے احتمال کے بارے میں ٹیلی فون پر بات چیت کی  ہے۔

محکمہ خارجہ کے ترجمان میتھیو میلر نے ایک تحریری بیان میں کہا ہے"بلنکن نے اقوام متحدہ کے سکریٹری جنرل انتونیو گوٹیرس سے روس کے بحیرہ اسود کے اناج کے اقدام کی 17 جولائی کی آخری تاریخ تک تجدید نہ کیے  جانے  کے بیان کا جائزہ لیا۔"

بیان میں کہا گیا ہے کہ دونوں  سربراہان نے عالمی غذائی تحفظ کے لیے معاہدے کی اہمیت اور اس کی معطلی سے خوراک کے درآمد کنندگان پر خاص طور پر ترقی پذیر ممالک پر پڑنے والے منفی اثرات پر اتفاق کیا ہے۔

24 فروری 2022 کو یوکرین پر روس کے حملے کے اثرات کو کم کرنے کے لیے خوراک کی عالمی قیمتوں پر اقوام متحدہ، روس ، ترکیہ اور یوکرین نے 22 جولائی 2022 کو استنبول میں منعقدہ ایک تقریب میں بحیرہ اسود کے اناج راہداری کے معاہدے پر دستخط کیے تھے۔ معاہدہ جس میں 19 نومبر 2022 سے 120 دن کی توسیع کی گئی تھی، اس میں  18 مارچ کو دوبارہ توسیع دینے کا فیصلہ کیا گیا تھا۔

روسی حکام نے  17 جولائی کو مدت پوری ہونے والے معاہدے میں توسیع کا احتمال نہ ہونے کا اعلان کیا تھا۔