الجزائر زلزلے کے بعد کی امدادی سرگرمیوں کے لیے ترکیہ کے تجربے سے استفادہ کرنے کا متمنی

الجزائر کی تعمیر نو اور شہری  آباد کاری  کی وزارت کے کنسٹرکشن اینڈ سپلائی وہیکلز کے جنرل منیجر رضا بوروا نے کہا کہ وہ زلزلے  کے بعد کی امدادی کاروائیوں کے شعبے میں ترکیہ کے تجربات  سے فائدہ اٹھانا چاہتے ہیں۔

الجزائر کی وزارت تعمیرات اور شہری آباد کاری 20-21 مئی کو بومرداس زلزلے کی 20 ویں برسی کے موقع پر ایک سمپوزیم کا اہتمام کر رہی ہے، جس میں گزشتہ سال 21 مئی کو تقریباً 2500 افراد اپنی جانوں سے ہاتھ دھو بیٹھے تھے۔

سمپوزیم سے پہلے انادولو ایجنسی کے لیے اپناجائزہ  پیش کرنے والے رضا نے بتایا  کہ الجزائر کے شمالی علاقے میں زلزلے کی سرگرمیاں جاری ہیں، جہاں ملک کی اکثریتی آبادی واقع ہے، اور یہاں آنے والے زلزلوں نے بڑی تباہی اور جانی نقصان پہنچایا تھا۔

بوروا نے نشاندہی کی کہ تقریباً 700 سائنسدان اور ماہرین زلزلے سے متاثر ہونے والے مختلف ممالک، خاص طور پر ترکیہ، بحیرہ روم اور دنیا بھر سے سمپوزیم میں شرکت کریں گے۔

"اس ملاقات کے دوران، سائنسدان اور ماہرین اپنے ممالک میں آنے والے زلزلوں سے سیکھے گئے اسباق، آراء اور علم پر تبادلہ خیال کریں گے۔"