مراکش، رواں سال میں 32 ہزار سے زائد غیر قانونی تارکین وطن کی گرفتاری
ہ ان لوگوں میں سے 28 ہزار 146 یعنی 85 فیصد غیر قانونی نقل مکانی اور انسانی اسمگلنگ سے نمٹنے کے دائرہ کار میں کیے گئے آپریشنز میں پکڑے گئے
رواں سال مراکش میں غیر قانونی طریقوں سے براستہ بحیرہ روم خطہ یورپ کو جانے کی کوشش میں ہونے والے 32 ہزار سے زائد غیر قانونی مہاجرین پکڑے گئے ۔
مراکش کی ڈائریکٹریٹ جنرل نیشنل سیکیورٹی کی سال 2022 کے لیے غیر قانونی نقل مکانی کی کارروائیوں پر شائع ہونے والی رپورٹ کے مطابق، سیکیورٹی قوتوں نے گزشتہ 12 ماہ میں 32,733 غیر قانونی تارکینِ وطن کو پکڑا۔
بتایا گیا کہ ان لوگوں میں سے 28 ہزار 146 یعنی 85 فیصد غیر قانونی نقل مکانی اور انسانی اسمگلنگ سے نمٹنے کے دائرہ کار میں کیے گئے آپریشنز میں پکڑے گئے ۔
پولیس نے تارکین وطن کے 92 نیٹ ورک تباہ کیے اور گینگ کے 566 ارکان کو گرفتار کیا ۔
دوسری جانب بتایا گیا ہے کہ پولیس نے کارروائیوں میں غیر قانونی امیگریشن کے لیے استعمال کردہ 193 کشتیاں، 156 بوٹ انجن اور 832 جعلی دستاویزات قبضے میں لیں ۔
ساحلی علاقوں کے یورپی براعظم کے قریب ہونے کی وجہ سے، مراکش افریقی نژاد فاسد تارکین وطن کے لیے نقل و حمل کا مرکز ہے۔
