مالی کی فوج صدر اور وزیراعظم کو رہا کرے:سلامتی کونسل
سلامتی کونسل کی طرف سے جاری کردہ ایک بیان میں ان رہنماؤں کی فوری رہائی اور ملک میں سویلین حکومت کی بحالی کا مطالبہ کیا گیا ہے
1646530
اقوام متحدہ کی سلامتی کونسل نے مالی کی فوج کی طرف سے عبوری صدر اور وزیر اعظم کی گرفتاری کی متفقہ طور پر مذمت کی ہے۔
سلامتی کونسل کی طرف سے جاری کردہ ایک بیان میں ان رہنماؤں کی فوری رہائی اور ملک میں سویلین حکومت کی بحالی کا مطالبہ کیا گیا ہے۔
مالی کے صدر اور وزیراعظم کوگزشتہ پیر کے روز فوجی کرنل اسیمی غویتا نے گرفتار کر لیا تھا۔
غویتا ہی کی سربراہی میں گزشتہ سال مالی میں فوجی بغاوت ہوئی تھی۔
غویتا نے الزام عائد کیا ہے کہ عبوری صدر اور وزیراعظم سویلین حکومت کو اقتدار کی منتقلی کے عمل کو نقصان پہنچانے کی کوشش کر رہے تھے۔