امریکہ: کلیسا پر حملہ، 2 افراد ہلاک، کثیر تعداد میں شدید زخمی

امریکہ کی ریاست کیلیفورنیا میں ایک کلیسا پر چاقو سے حملے کے نتیجے میں 2 افراد ہلاک اور کثیر تعداد میں زخمی ہو گئے ہیں۔

سین جوس بلدیہ کے مئیر سیم لیکارڈو کےٹویٹر بیان کے مطابق کیلیفورنیا کے شہر سین جوس کے  ایک کلیسا  پر چاقو سے حملہ کیا گیا۔

لیکارڈو کے مطابق حملے میں 2 افراد ہلاک اور کثیر تعداد میں شدید زخمی ہو گئے ہیں۔

انہوں نے ٹویٹ میں پولیس کے ایک مشتبہ شخص کو حراست میں لینے کا بھی ذکر کیا تاہم بعد ازاں انہوں نے یہ ٹویٹ مِٹا دی تھی۔

لیکارڈو نے ہلاک ہونے والے 2 افراد کے کنبوں سے تعزیت کا اظہار کیا ہے۔

سین جوس پولیس ڈائریکٹریٹ کی طرف سے سوشل میڈیا سے جاری کردہ بیان کے مطابق گریس بپٹسٹ کلیسا پر حملے  کے مقابل کاروائی کی گئی ہے ۔

زخمیوں میں سے بعض کی حالت نازک ہے۔ حملے کے وقت کلیسا میں کوئی دینی مراسم نہیں تھے بلکہ بے گھر لوگوں کو تحفظ کے لئے  کلیسا میں جمع کیا گیا تھا۔