ٹرمپ نے سائبر سیکورٹی کے سربراہ کو بر طرف کر دیا

صدارتی انتخابات کے دو ہفتوں بعد امریکی صدر ڈونلڈ ٹرمپ نے سائبر سکیورٹی کے ملکی سربراہ کرسٹوفر کریبس کو ان کے عہدے سے برطرف کر دیا ہے۔

کریبس نے ڈونلڈ ٹرمپ کی طرف سے انتخابات میں فراڈ کے الزامات کی مخالفت کی تھی۔

ٹرمپ کی طرف سے جاری کی گئی ٹوئیٹ میں کہا گيا کہ کریبس کو فوری طور پر اس ذمہ داری سے الگ کر دیا گیا ہے۔

امریکی داخلی سلامتی کی وزارت کے ايک حصے کے طور پر کام کرنے والی سائبر سکیورٹی ایجنسی نے تین نومبر کو ہونے والے انتخابات کو امریکی تاریخ کے محفوظ ترین انتخابات قرار دیا تھا۔

ٹرمپ ابھی تک جو بائیڈن کے مقابلے میں انتخابی شکست تسلیم کرنے کو تیار نہیں ہے۔